Кыргызстанда үрөй учурган дагы бир кылмыш катталды. Бишкекте бир үйдөн эки адам өлтүрүлүп, шектүү дагы деле изделип жатат. Милиция үйгө кирген шектүүнүн фотороботун түзүп, коомчулукка жарыялады. Алдын ала маалыматтарда айтылгандай, каза болгон адамдар бир туугандар болгон.
Бишкекте бир үйдөн эки адам киши колдуу болду. Милиция кылмышка шектүүнүн фотороботун түзүп, издөө жарыялады.
Бишкектин Биринчи май районунун аймагында митинг-пикет өткөрүүгө салынган тыюу кайрадан узартылды. Шаардын негизги аянттарында акция өткөрүүгө тыюу салынганына үч жылдан ашты.
Бишкектин Биринчи май районунун аймагында митинг-пикет өткөрүүгө салынган тыюунун мөөнөтү кайрадан узартылды. Шаардын негизги аянттарында акция өткөрүүгө тыюу салынганына үч жылдан ашты. Эмне үчүн чектөө кайра жаңыртылып жатат? Шайлоо өнөктүгү алдында мунун таасири кандай болот?
Ысык-Көл облусунда мыкаачылык менен өлтүрүлгөн 17 жаштагы окуучу кыз Айсулуу Мукашеванын өлүмүнөн соң президент Садыр Жапаров Баш мыйзамга өлүм жазасын кайтаруу демилгесин көтөрдү.
Мындан ары АКШда жүрүү убактысын берилген визанын мөөнөтү эмес, өлкөнүн аймагына кирип жатканда Бажы жана чек ара кызматкерлери аныктайт. Кошмо штаттарга баргандан кийин жарандарга Бажы жана чек ара кызматынын онлайн-сервисинен өздөрүнө уруксат берилген мөөнөттү текшерип коюу сунушталат.
Бишкекте жол тыгыны шаардыктарды чарчатып жатат. Азыр эле убакыттын баары жолго кетип жатат дегендер окуу башталса эмне болот деп кабатыр. Ал арада мэр Айбек Жунушалиев шаардыктарга “жолдор оңдолуп бүткүчө чыдай тургула” деп кайрылды. Мындан улам студенттер 15-сентябрга чейин онлайн окумай болду.
Бишкектин четиндеги “Красный строитель” конушунун тургундары митингге чыгышты. Нааразылык акциясына чыккандар быйыл февралдан бери 52 үй-бүлө 2008-жылы сатып алган жерлеринин ээси экенин далилдей албай жатканын айтышты.
12-августтан бери Жениш чокусунда 7000 метр бийикте калган орусиялык альпинист Наталья Наговицинаны куткаруу жана эки ирандык альпинист Марьям Пилехвари менен Хасан Сейфолланы издөө иштери аба ырайынын начардыгынан улам 2026-жылдын жайына чейин токтотулду.
Орусиянын өкмөтүнүн токтомунун негизинде "Сахарово” көп функционалдуу каттоо борбору 1-сентябрдан тарта өлкөгө визасыз режим менен кирген бардык эмгек мигранттарын “Амина” аттуу тиркемени жүктөп алып, анда катталууну талап кылууда.
Кыргызстандын Жеңиш чокусунда бутун сындырып, 7100 метр бийиктикте калган орусиялык альпинист Наталья Наговицинаны куткаруу аракеттери азырынча токтогон жок. Эл аралык топ кайра дрон учуруп, сегиз күндөн бери жалгыз жаткан аялдын абалынан так маалымат алууга аракеттенет.
Орусиялык альпинист Наталья Наговицинаны издөөнү токтотуу тууралуу соңку чечим кабыл алына элек. Куткаруу операциясына эл аралык альпинизмдин өкүлдөрү кошулганы кабарланды. Жеңиш чокусуна дагы бир дрон учурулат. Буга чейин альпинистти куткаруу операциясы токтотулганы айтылган эле.
20 жаштагы келин кайын атасы бир жылдан бери зордуктап жүргөнүн айтып, Акыйкатчы институтуна кайрылганы маалым болду. Анын күйөөсү дагы өз атасынын зомбулугуна туш болгонун, жаш түгөйлөр үч айлык наристесинен да ажырап калганын билдирген. Жакында милиция кылмышка шектүүнү кармап, иш козгоду.
Кыргызстандын Орусиядагы элчилиги согушка азгырылган кыргыз жараны куткарылганын билдирди. Бийлик чет өлкөдө согушка катышкандар жазага тартыларын эскертип келет. Буга чейин “Хочу жить” долбоору Орусия тарапта украиндерге каршы согушту деген 360 кыргызстандыктын аты-жөнүн жарыялаган.
Кыргызстанда мамлекеттик кызматтарда кесиптештеринен сексуалдык ыдык көргөн аялдардын арызданган бир нече окуясы белгилүү болду.
Кыргыз өкмөтү эттин баасын көзөмөлгө алып, үч айлык көзөмөл киргизмей болду. Экономика жана коммерция министрлигинин маалыматында, мындан ары аймактарда жана борбордо эттин баасы 650-690 сомдон сатылууга тийиш.
Жогорку Кеңеш көп аялдуулук үчүн кылмыш жоопкерчилигин жойгон мыйзам долбоорун колдоду. Кылмыш-жаза кодексин өзгөртүү менен кош никеге тургандарга жазаны жойгон долбоорго президент кол койбой, артка кайтарганда гана ачыкка чыкты. Талаштуу документ кантип өтүп кеткени коомчулуктун бүйүрүн кызытууда.
Бишкектин Көк-Жар-2 конушунун 172-контурунда мыйзамсыз делген курулуштарды бузуу учурунда кармалган беш киши Октябрь райондук сотунун чечими менен 10 күнгө убактылуу кармоочу жайга камалды.
Көк-Жар конушундагы 172-контурунда курулуштарды бузуу учурунда кармалган беш киши он күнгө камалды. Конуштун тургундары бийлик башчыларына кайрадан кайрылды. Шаар мэри Айбек Жунушалиев мыйзамсыз делип, үй-жайы бузулгандардын маселесин чечүү үчүн президентке сунуш бергени маалым болду.
Дагы жүктөңүз
