“Блогерлерди чектейт. Аккредитация алыш керек”. Депутаттар талаштуу мыйзам долбоорун артка кайтарды

Министрлер кабинети сунуштаган “Жалпыга маалымдоо каражаттары жөнүндө” мыйзам долбоору 15-январда Жогорку Кеңештин Эл аралык иштер, коргоо, коопсуздук жана миграция боюнча комитетинин күн тартибинен алынды. Депутаттар документте талаштуу беренелер көп деген негизде кайра иштеп чыгууну сунуштады.